ئىبراھىم شاھىن: تۈرك دۇنياسىغا پروگرام تارقىتىدىغان قانال كەلگۈسىدىكى ئۆزئارا چۈشىنىش ھاسىل قىلىش ئۈچۈن مۇھىم رول ئوينايدۇ 2009-02-24 << Ana Sayfa - باش بەت - Main Page>>

تۈركىيە ئاۋازى رادىئوسى خەۋىرى: تۈركىيە رادىئو تىلۋېزىيە ئىدارىسىنىڭ باش مۇدىرى ئىبراھىم شاھىن، پۈتۈن تۈرك دۇنياسىغا پروگرام تارقىتىدىغان قانالنىڭ كەلگۈسىدىكى ئۆزئارا چۈشىنىشىش ئۈچۈن مۇھىم رول ئوينايدىغانلىقىنى ئېيتتى.

ئىبراھىم شاھىن باكۇدىكى زىيارىتى جەريانىدا ئەزەربەيجان ئىجتىمائىي رادىئو تىلۋېزىيە ئىدارىسىنىڭ باش مۇدىرى ئىسمائىل ئۆمەروۋ بىلەن كۆرۈشتى.

ئۆمەروۋ، كەسپى خادىملارنى تەربىيىلەشتە تۈركىيە رادىئو تىلۋېزىيە ئىدارىسىنىڭ ياردەم قىلىشىنى تەلەپ قىلدى.

ئىبراھىم شاھىنمۇ، مارت ئېيىدا پۈتۈن تۈرك دۇنياسىغا قارىتا رەسمىي پروگرامما تارقىتىشنى باشلايدىغان قانالنىڭ ھەر ئىككى تىلۋېزىيە ئىدارىسىنىڭ ئورتاق ھەمكارلىقى بىلەن ئىشقا ئاشىدىغانلىقىنى قەيت قىلدى.

http://www.trt.net.tr/International/newsDetail.aspx?HaberKodu=7c2a5abd-4dc2-4ffe-a4f2-56794567ba04